Cante

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O cante u canto ye la emisión controlata de sons musicals per meyo d'a voz. D'una pieza musical cantata, sía a cappella u acompanyata, s'en diz canción. A persona que canta ye dita cantador, cantaire u cantant.

Per un regular, o cante abraca l'acción de modelar a voz ta formar parolas, pero bi ha igualment tipos de musica instrumental con a voz que fa uso de sons ubiertos y vocalizacions sin guaire sentito (p. ex., as cancions yodel d'es Alpes).

Cuasi totas as personas capaces de charrar pueden igualment cantar, pus o cante ye esencialment un discurso oral sustenito. Manimenos, o vocable gosa a emplegar-se ta las trazas mes profesionals de fer-lo, sía per meyo d'una actuación en direito u d'una gravación en estudio, que requieren de normal una concienzuta instrucción y ixercitamiento y un contino cudiato d'a voz.

Es cantadors clasicos y d'opera se clasifican per tipos de voz seguntes a suya tesitura, a intensidat vocal y lo timbre d'as suyas voces.